-3 °С
Салкым
Антитеррор
Вань иворъёс
9 мая - День Победы
8 куартолэзе 2022, 19:51

Ташкичиос выль обелисксэс усьтӥзы

Илиш ёросысь Ташкичи гуртын Быдӟым Вормонлы сӥзем митинг ортчиз. Туэ татын выль обелиск усьтӥськиз. Сое пуктыны Шайхутдиновъёслэн семьязы юрттӥз.

Ташкичиос выль обелисксэс усьтӥзы
Ташкичиос выль обелисксэс усьтӥзы

Мемориал пул вылэ Ташкичиысь 116 ожгарчиослэн нимзы пыртэмын. Дано ужрадэ Базитамак гурт поселенилэн администрациеныз кивалтӥсь А. Х. Мусабиров, Илиш ёрос администрациен кивалтӥсьлэн воштӥсез Р. Н. Хаеретдинов , «Илишевский продукт» СППК-ен кивалтӥсь И. И. Шайхутдинов пыриськизы. Гурт калыклэн нимыныз обелиск пуктэмзы понна тау карыса вераськизы РФ-ысь дышетон удысысь дано ужась А. М. Муксимова, ож вакытэ будэмъёслэн нимынызы – В. Г. Миннибаева, нылпиослэн нимынызы – А. И. Тимерханова.

Митинге пыриськисьёс писпу мерттӥзы, "Аллея Победы" кылдытӥзы. Нош собере ваньзы солдат ӝук веръязы но "Бессмертный полке" пыриськизы. 

 

Автор:Оля Нигаматуллина
Читайте нас: