+9 °С
Салкым
Антитеррор
Вань иворъёс
9 мая - День Победы
6 куартолэзе , 22:10

Каймашабашын Вормон Нуналлы сӥзем митинг ортчиз

Туннэ, куатетӥ майын, Янаул ёросысь Каймашабаш гуртын Быдӟым Атыкай ожын вормонлы 77 ар тырмонлы сӥзем митинг ортчиз.

Каймашабашын Вормон Нуналлы сӥзем митинг ортчиз
Каймашабашын Вормон Нуналлы сӥзем митинг ортчиз

Оже быремъёсты буре ваён ужрадэ гуртын улӥсьёс, пӧртэм интыосын ужасьёс но дышетскисьёс пыриськизы. Митинге люкаськемъёс азьын вераськизы Иткинеево гурт поселенилэн администрациеныз кивалтӥсь А. А. Минязов, Янаул ёрос Кенешлэн депутатэз Э. С. Сафина, Янаул ёрос администрациысь ӝутӥськонъя ёзэтэн кивалтӥсь А. Р. Имашев, Каймашабаш школалэн директорез Р. В. Кочурбаева. Соос ваньзэс Вормон Нуналэн ӟечкылазы, ож аръёсты, асьмелы шудо улон кузьмасьёслэсь подвигъёссэс вунэтоно ӧвӧл шуыса пусйизы.

Оже быремъёсты буре вайыса, ужрадын одӥг минут чус сылӥзы, собере гуртысь памятник вӧзы сяськаос, венокъёс понӥзы.

Митингез «Бессмертный полк» азьланьтӥз. Нылпиос, дышетӥсьёс но ужрадэ лыктэмъёс ветеранъёслэн туспуктэмъёсынызы ульчаостӥ ортчизы. Школаын дышетскисьёс лимтературно-музыкальной композиция (кивалтӥсьсы А. И.Кутлуметова) возьматӥзы. Митинге ож аръёсы будэмъёс но ож мышкын тыршисьёс ӧтемын вал.

Фото:  МБОУ ООШ с. Каймашабаш

Каймашабашын Вормон Нуналлы сӥзем митинг ортчиз
Каймашабашын Вормон Нуналлы сӥзем митинг ортчиз
Каймашабашын Вормон Нуналлы сӥзем митинг ортчиз
Автор:Миляуша Булатова
Читайте нас в