Тунсыко фактъёс - перепись сярысь

Быдэсросси каклыкез лыдъян-чотан, кудӥзлэсь ортчонзэ кык пол мукет дырлы воштӥзы ни, туэ куарусён толэзе одно ортчоз.

Со берпуметӥез бумажной перепись луоз. Бумажной бланкъёсы даннойёсты интернет луымтэ интыосын гинэ гожъялозы на.

Лыдъян-чотан дыръя тросэз лыдпусъёс цифровой амалэн ке но басьтӥськозы, кин сыӵе яке таӵе лыдпус, тодэт сётӥз, тодмо уз луы. Кылсярысь, кыӵе калык пӧлы пыртэм ассэ Валентина, сое тодыны ум быгатэ.

Кинъёсты гожъялозы:

Россиын улӥсьёсты, кунгож сьӧры командировкае кошкемъёсты, туристъёсты, переселенецъёсты, иностранецъёсты.

Лыдъян-чотанэн телефон пыр но ортчыны луэ "Госуслуги" приложение пыр.

«Ваша национальная принадлежность» юан переписной листын усьтэмын. Нокыӵе дась валэктон ӧвӧл. Котькудӥз аслэсьтыз кин луэмзэ возьматӥсь национальностез быръе.

Переписчикъёс ужзы понна умой уждун басьтозы.

Лыдъян-чотанлэн валтӥсь ужпумез лыдъян ӧвӧл. Туала Россиын кинлэсь но кызьы улэмзэ тодон - валтӥсьгес.

Тӥлесьтыд басьтэм информация налоговой органъёсы но, бандитъёс кие но уз мыны.

Переписчикъёслы нокыӵе документъёс возьматъяно ӧвӧл. Гожъяно луоз куинь бланке.