+1 °С
Лымы
Антитеррор
Вань иворъёс

Котьмалэсь Выль ар мылкыд кылдытыны луэ

Нуналысь нуналэ гуртъёсмы, ужан интыосмы отын улӥсьёслэн но ужасьёслэн киосынызы лэсьтэм выжыкыл дуннелы пӧрмо. Ваньзы туртто йӧлэсь но лымылэсь йӧспӧртэм но паймымон мунёос, фигуркаос лэсьтыны, композициос малпаны. Соосты комиссия учкоз уго но кельшем-кельшымтэзыя интыос люкылозы.

Ужысь куддыръя пыдын бертӥсько. Татышлыысен Уразгильды гуртозям 3-4 иськем ёрос. Сюрес кузя пӧртэм организациос но предприятиос интыяськемын. Ветлечебница чебер гирляндаосын ворекъя. Шулдырлыксэ адӟыны татчы ӵукна но ӝыт лыктыса умой луоз. Солы кыдёкын ӧвӧл сюресчиос - ДРСУ-ын ужасьёс. Пырон азязы - вуж сюрес тупатъян - грейдер - сылэ. Сое татын ужасьёс котьку но Выль арлы сӥлы каро но чебермало. Шиномонтаж вӧзтӥ ортчыку синъёс шумпотыса но синмаськыса учкизы шинаослэсь лэсьтэм мунёос шоры. Кин ке лымымунё лэсьтэ, нош татын - шиномунё. Туспуктытэк ӧйлась. Мылкыд ик ӝутскиз.
Читайте нас: