+9 °С
Салкым
Антитеррор
Вань иворъёс

Башкириын «Зеленая Россия» акцие пыриськемъёс миллионлэсь ятыр писпуос но куакъёс мерттӥзы

320 сюрс адями, 895 сюрслэсь ятыр писпуос, 162 сюрс куакъёс. Таӵе лыдпусъёсын йылпумъяськиз быдэс куарусён ӵоже кыстӥськем "Зелёная Россия" быдэсросси акция.

Писпуос мерттонэн валче республикаын улӥсьёс улон но ужан котырзэс утялтонэ но пыриськизы. Таиз уж "Сделаем!" девиз улсын ортчиз. Субботникын 100 сюрслэсь трос калык ужаз. Республикаысь ньыль сюрс куб. метрысь жуг-жаг утялтэмын.
Башкортостанысь кӧня ке муниципалитетъёсын Совето Союзысь но Российской Федерациысь Геройёслы, Быдӟым Атыкай оже пыриськемъёслы но отысь ветеранъёслы, Вормон нуналлэн 75 ар тырмонэзлы сӥзем "Геройёслэн аллеяоссы" кылдӥзы. Кылсярысь, Кармаскалы ёросысь Шаймуратово гуртын нюлэс будоз: отын 2 сюрс пала писпуос 112-тӥБашкир кавалерийской дивизиын ожмаськемъёсты буре вайыса мерттэмын.
Кызьы ивортэ вице-премьер – жилищно-коммунальной хозяйствая министр Борис Беляев, Быдэсросси экосубботник дыръя озьы ик "Лес Победы" акция ортчемын. Отчы пыриськемъёс – ог 50 сюрс адями – 282 га площаде егит нюлэс мерттӥзы, ваньзэ 730 сюрслэсь ятыр писпу.
Россиысь Госдумалэн депутатэз, "Зелёная Россия" эколологической движенилэн президентэз Анатолий Карпов Бр-лэн Тӧроезлы но Правительстволы нимысьтыз тау каремзэ вераз, пусйиз, Россиысь акцие пыриськемъёс пӧлын Башкортостан тужгес умой лыдпусъёс возьматӥз шуыса.
Туспуктэм соцсетьёсысь басьтэмын.
Читайте нас в