+18 °С
Салкым
Антитеррор
Вань иворъёс
Туспуктэм сэрег
16 августэ 2020, 12:00

Нюлэскысь ноку буш киын уд берты

Кинъёс ке, тулыс ик дасяськыны кутскыса, Шарканын опен-эйрын юмшазы, дыр (14-15-тӥ гудырикошконэ Тол Бабайлэн усадьбаяз "Бабушкина дача" но "Эктоника Табань FEST" ортчиз), нош ми эшеным опен-эйр асьме дорын лэсьтыны малпам.

"Куазь шуныт на, тырмыт зориз ни, коньыгуби потӥз ни, дыр", - таӵе малпанэн вамыштӥм гурт сьӧрысь нюлэскы. Вуим чурен мерттэм кыз посадкае. Одӥг, кык, куинь... Коньыгубиос али гинэ потӥсьёсыз но вань, кӧня ке будэмъёсыз но. Губиосты шедьтыны люкетэ турнамтэ турын. Толлояз зориз бере, кыз лысъёс вылын зор шапыкъёс озьы ик уло. Йырысен пыдозь котмим ке но, кынмомы шуыса малпанамы ик ӧй вал. Кин яратэ губи бичаны, со монэ валалоз.
Одӥг интыын бичаськыса жадим но, вамыштӥм кыдёкегес, Милиция кыре. Азьло та возьлэн одӥг сэргыз но турнаськытэк уг кыльы вал. Нимызъя валаны луэ, кинъёс сое турназы. Нош али ӝыныез сяна утялтэмын ӧвӧл. Кылемаз люпин будэ. Турнам палаз вуыса, син йӧтӥз сяськаяськыса улӥсь италмасъёслы. Озьыен, туэ сӥзьыл кема кыстӥськоз. Нюлэс дурысьгес эшшо мукетсэ сяськаез синйылтӥм. Удмурт нимыз вань оло ӧвӧл, пичи дыръя ми сое "заячья капуста" шуиськом вал. Отысь ик кӧня ке намер веръям. Нош ик коньыгубиё посадкае вуим. Жадим, котмим, кӧтмы сюмаз, пакетмы но ӝутыны секыт луиз. Нялтас кисыосамы легезь бичам на. Нуналмы удалтӥз.
Читайте нас: