+4 °С
Салкым
Антитеррор
Вань иворъёс
Туспуктэм сэрег
14 Июля 2020, 11:20

Пӧсь пӧсьтолэзь

Нырысетӥ нуналъёсаз киосы пӧзь понэм ке потэ вал туэ, кыкетӥ арнязэ ини лымшор палан кадь пӧсь но окыт. Салкым вуэ зымыса, отысь йырез гинэ поттыса кыллем потэ. Умой, дыр, кинъёслэн пыласькыны тыметъёссы, шуръёссы, яке доразы ке но бассейнъёссы вань. Малпамтэ шорысь кык нунал талэсь азьло гудыръяса, чилекъяса, ӵашйыса, кисьтыса ик зориз. Будосъёс но ганяк шокчизы, дыр. Со нуналэ ик нош ик пӧсь кариськиз. Инкуазь суредъёс нуналлы быдэ вошъясько. Туннэ таиз сяська сяськая, ӵуказеяз мукетыз усьтӥське, нош толлоез пумен сяськазэ кисьтэм ни. Беризь но сяськаяськиз ни. Озьыен, мушъёс отысь чечы окто. 12-тӥ пӧсьтолэзе ӵапак чечы сиён но соин куноян нунал вал - Петроу яке Гужем юон сэбед. Та праздникез Петров день, Петыр Павол, Гербер нимало на. Чечыен чай но юим, выль картошка но сиим. Боры лызэктыса ик кисьмам ни. Варення пӧзьтыны дыртэлэ. Тодматскыны дэмласько пӧсьтолэзьысь туспуктэмъёсын.

Читайте нас в