Суро-пожо инвожо

Инвожолэн кутсконэз. Инкуазез валаны уг луы: туннэ шунды но пӧсь ке, малпамтэ шорысь ӵукналы олокытысь зор вуэ но кисьтэ ук! Кызьы дӥсяськыны но уд тоды, салкым кадь, нош кӧня ке улыса, шунды сутыны кутске. Нюлэскысь но бусыосысь гырлысяськаез но пумитаны луэ ни, нош саюло интыын италмас весь сяськабурдъёссэ возе, мынам дыры ӧз на ортчы шуэ кадь. Али озьы ик узы-борылэн сяськаян вакытэз. Нюлэскын шулдыр, ыркыт тӧл веша, капчи гадь тыр шоканы.