Выль Татышлы модельной библиотекаын "Дедовнучок" конкурс ортчиз

19 февральын - Удмуртьеслэн ИКЦ-зы, Татышлыысь ДОСААФ РОССИИ но модельной библиотека радъям улсын ортчиз аспортэм ужрад. Та ужрадэ Влас Низамов (чужатаеныз Виталий Самирзяновен. Дмитрий Мусакаев чужатаеныз Павел Мусакаевен), Эмиль Самигулов чужатаеныз Муллаян Хузиахметовен), Эдгар Садиев чужатаеныз Валерий Гайнияровен, Степан Гарифуллин чужатаеныз Радик Рахимовен, Евгений Сабанчин песятаеныз Александр Сабанчинэн, Константин Садиев песятаеныз Федор Садиевен, Лев Зиянбаев чужатаеныз Рифан Гараевен пыриськизы. Пиналъёс чужатайёсынызы, песятайёсынызы артэ серемес пантомимо возьматизы, историялы сизем суредъёсын пазл люказы. Со сяна песятайёс но чужатайёс внукъёссы сярысь веразы, нош внукъёс песятайзы, чужатайзы сярысь. Ужрадын внукъёслэн но чужатай песятайёслэн ог-огзэс юн гажамзы но куспазы бадзым эшъёс луэм мылкыдзы туж юн шодиськиз.

Ужрад Шаермес утисьеслэн вуись праздниксылы но сиземын луиз, удмурт пиосмуртъёсты данъян вылысь но ортчиз.