«Усточикар-2019», ӟеч лу!

Зор-кот, кезьыт куазь но ӧз люкеты ӧнерчиослы но вожатойёслы котьку нуналзэс пайдаё но пуштросо ортчытыны. Лагерез йылпумъян ужрадын нылпиослэн анай-атайёссы азьын со сярысь веразы туэ татын ужасьёс, сое ик возьматӥз «Журналистика» отрядэн дасям видеопрезентацизы но. Кинъёс доры вуылэм Купидон? Кинъёс гужем куазен но Тол Бабаен Лымынылэз сӥлы карыны быгато? Кинъёс Инмарлы вазиськизы шулдыр куазь курыса? Сыӵезэ "Усточикар" лагерьысь гинэ адӟыны быгатоды.

Ӟеч сямлы пӧрмиз ни лагерьысь тужгес усто специалистэз, вожатойез но нылпиез висъяны но дунъяны. Туэ таӵе нимъёсты басьтӥзы журналистикалэсь мур кожъёссэ валась но дышетӥсь Мария Галеева, «Усточикарлэсь» вань пырон-потон пасьёссэ тодӥсь, татын трос пол шутэтскем но ужам Мариалина Нуриахметова, Янаул ёросысь Вуж Вараш школаын 7-тӥ классэз йылпумъям, озьы ик лагерен пыраклы эшъяськем Анастасия Минигалиева.

Пиналъёсты ӟечкыланы вуизы «Удмурт кенеш» ассоциацилэн кивалтӥсез, Госсоветлэн Депутатэз Т.В. Ишматова, БР-ысь удмуртъёслэн НКЦ-зылэн кивалтӥсезлэн воштӥсез Ю.С. Саитов, удмуртъёслэн историко-культурной центрысьтызы валтӥсь специалист И.М. Самигулова.

Анна Байдуллина.