Кыӵе луыны кулэ усто каникулъёс?

Трос дыръя шутэтскон нуналъёсы яке каникулъёсы нылпиос уйшорозь но пуко, берло лымшорозь кӧло. Кожалод, татын нокыӵе но кышкытэз ӧвӧл. Нош Башкортостан Республикая Роспотребнадзорлэн коммуникациосъя ёзэтэныз кивалтӥсьлэн Регина Акмаловалэн кылъёсызъя, нылпиослэн котьку но одӥг режимзы луыны кулэ.

Кӧлыны, пе, котьку но вазьгес выдоно. Озьы ик нылпилэсь тазалыксэ ческыт но пайдаё сиён-юонъёс кыдато. Соин ик, одно ик ӵукна, лымшоре, ӝытэ  пӧртэм пайдаё продуктъёсты кутоно. Бадӟым саклык висъяно емышъёслы, отын угось нылпилы кулэ луись витаминъёс трос. Озьы ке но, куддыр ческытъёсты но фастфутъёсты сётӥд ке, кышкыт уз луы.

Нылпиос одно ик кырын шудыны кулэ, чылкыт омыр тазалыклы трос пайда сётэ. Каникулъёс дыръя дышетскон учебникъёсты палэнтӥд ке но яралоз.

Эшшо но трос тунсыкозэ но пайдаёзэ видеоысь учкыны быгатоды. Отын Регина Акмалова пыр-поч валэктэ кыӵе луыны кулэ усто каникулъёс.

Видео: ЦУР Башкортостан