Курыт юонэн вуз каронэз чаклано

Республикаысьтымы МВД-лэн экономической безопасностья но коррупциен нюръяськонъя управлениезлэн ёзэтэныз кивалтӥсьлэн Роберт Мурсалимовлэн верамезъя, туэ укмыс толэзь куспын вуз карисьёс киысь 56 сюрс литрлэсь трос урод аракы таламын. Сибайысь, Стерлитамакысь, Нефтекамскысь но Бирскысь курыт юон вузасьёслэн ужзы пытсамын. Эскеронъёс ортчытэм бере 142 уголовной уж усьтэмын. Табере урод аракыосты антисептикъёс интые кутыны дасялозы.
- Аракыен вуз карисьёсын нюръяськон борды кык ар талэсь азьвыл кутскимы ни вал, - шуиз Радий Хабиров. – Таӵе амалэн йыртэмасьёсты жаляно ӧвӧл. Урод аракыен вуз карисьёс сярысь ивортӥсьёсты пусйыны тыршоно. Кылсярысь, соослы «Башспирт» премия мед сётысал. Та ласянь паськытгес ужано гурт ёросъёсын».