Арибаш школаын нылпиослэн тазалыксылы трос саклык висъяське

Нырысетӥ - витетӥ классын дышетскисьёс понна ПДД-лы сӥзем вераськонъёс ортчизы. Внеурочкаын нылпиос светофор лэсьтӥзы, «Улица и пешеходы» суредъёсъя конкурсэ пыриськизы, дор – школа – дор маршрутсэс суредазы. Кыкетӥ классъёс понна «Знай ПДД!» КВН радъяськиз. Со сяна, пиналъёс «Чудеса во дворе» видеофильм учкизы. Нош «Берегись автомобиля» шудон программа куинетӥ классын дышетскисьёсты огазеяз. Ньылетӥ классысь нылъёс но пиос понна «Дорожная азбука» станциосын шудон ортчиз. Витетӥ классын «Не попади в беду» классной час радъяськиз.

Школаын ортчем ужрадъёс дорожно-транспортной травматизмлэсь, пӧртэм кышкытлыкъёслэсь утиськонлы сӥземын вал.

Дасямын Арибаш школалэн сайтысьтыз материалъя.

Туспуктэм школалэн сайтысьтыз басьтэмын.