ГУБИЯНЫ ДЫР ВУИЗ яке ма сярысь вунэтоно ӧвӧл губиясьлы

Гудырикошкон толэзь зоро луэмен, нюлэскын губиос ӝужазы. Адямиос нингуби, коньыгуби, мильымгуби бичало. Кематэк лӥялгуби потоз. Тыро кудыосын нюлэскысь шумпотыса бертомы. Но куддыр шумпотон куректонлы но пӧрме. Ма сярысь вунэтоно ӧвӧл губиясьлы?

Тэле мыныны дасяськиськом

Нюлэскы мыныку сьӧре басьтоно: пурт, пичияк сиён, шырпу, шулан, телефон (вань ке, портативной зарядник), висисьёслы – эмъюмъёссэс. Дорысьёслы одно ик верано, кыӵе нюлэскы мынэмез но ку бертэмез.

Туала мобильной телефонъёсын gps-навигатор вань. Со адямилэсь кытын луэмзэ возьматэ. Йыромыны шедьыку ориентированиея программаос – «Гугл.Карты» но «Яндекс.Навигатор» - юртто. Нюлэскы яркыт - ӵуж, горд, тӧдьы, нап-ӵуж - дӥськутэн мыныса умой луоз.

Губи бырйиськом

- Тодмотэм губиосты бичано ӧвӧл.

- Сьӧре губиосъя атлас басьтыны луэ.

- Губиосты кудые бичаса умой луоз: уз пырдэ, уз ӝокалэ.

- Губиос секыт металлъёсты, ядъёсты губка кадь бордазы кыско. Соин соосты сюрес кузяысь, заводъёс вӧзысь бичано ӧвӧл.

- Вужмем губиосты бичаны уг яра.

- Губиосты доре бертэм бере ик сузяно.

- Тодмотэм адямиослэсь губизэс эн басьтэ. Соос оло чылкыт омыро нюлэскысь бичамын, оло завод вӧзы интыяськем шай вылысь.

Нюлэскысь потон сюрес ке уг шедьы

- Сюресэз ӧз ке но возьматы,GPS-навигатор кытын луэмез тодыны юрттоз,

- Юрттэт возьматонъя службае 112 номеро телефонъя жингыртоно. Со понна коньдон уз басьтэ. Таӵе дыръя шулан но юрттоз. Со пӧйшуръёсты но кышкатоз.

- Нюлэскы пырыку шундылэсь кудпалась пиштэмзэ учконо. Кылсярысь, пырыку со баме пиштэ ке, потыку тыбыре пиштоз. Но вужер шонерак азе уз усьы, со сюреслэсь ӧжытак бур палан луоз.

Тазалыклы кышкытлык вае

Сиёнтэм губи сиыса, адями кулыны быгатэ. Соин губи сием бере кӧня ке дыр ортчыса, кӧт висемдэс шӧдӥды ке, йырды ке берга, эмъюртэ вазиськыны дыртэ. Ӝог эмъюрттэт возьматӥсьёс лыктытозь, сылало ву юоно, ӧскыны тыршоно. Вунэтоно ӧвӧл, тазалыкмы асьме киын.

Читайте нас:

Новости партнеров

Лена ханым: "Улымды онотмайҙар"

На уровне молекул

Салкын тигәндә мунча керергә ярыймы?

Учредитель: Агентство по печати и средствам массовой информации Республики Башкортостан

Регистрационный номер: Свидетельство ПИ № ТУ02-01536 от 6 июня 2016г. Главный редактор: Нигаматуллина Оля Борисовна

Газета "Ошмес" - общественно-политическая, социальная, культурно-просветительская газета удмуртов Республики Башкортостан.

Телефон

Телефон+7 (34778) 2-11-89, 2-18-71

Электронная почта

[email protected]

Адрес

452830, Республика Башкортостан, Татышлинский район, с. Верхние Татышлы, ул. Ленина, д. 91