Выль эмъюрт ӝутӥське

Кылем арня пумын Башкортостан Республикалэн Тӧроез Радий Хабиров но правительстволэн ёзчиосыз огдырлы чаклам клинико-диагностической инфекционной центр ӝутонэн герӟаськем ужъёсты эскеризы. Матысь дыре сое Уфа ёросысь «Зубово» индустриальной парке ӝутозы. Одӥг этажъем эмъюртэз нимысьтыз модульёслэсь пуктозы. Центр 80 боксъёслэсь сылоз. Со пӧлысь 62-ез одӥг интылы, 18-эз реанимацилы чакламын луоз. Со сяна, эмчиослы улон инты, котельной, кислородной станция но мукетсэ пуктозы.

Проектэн кивалтӥсьлэн Дмитрий Дудколэн ивортэмезъя, центрез мукет интые но выжтыны луоз. Нош коронавирусэз вормем бере сое мукет эмъюртъёсын уже кутыны луоз. Со сяна, центрез паськытатыны но быгатозы.

Туспуктэм "Башинформысь" басьтэмын.