Спорт ужрад праздник выллем шулдыр ортчиз

Отчы 70-лэсь ятыр спортсменъёс пыриськизы. Соос пӧлын луизы пичиос но, егитъёс но,бадӟымъёс но,  арлыдоос но. Спортысь ветеранъёс но палэнэ ӧз кыле.

Спорт ужрадэ вуэмъёсты ӟечкыласа, вормонъёс сӥзьыса вераськизы республикаысь «Спортивная борба Республики Башкортостан» огазеяськонлэн исполнительной директорез Светлана Донцова, Калтасы ёрос администрациен кивалтӥсь Забир Габдуллин. Спорт ужрад куинь видъёслэсь сылӥз: капчи атлетика, шашки но пляжной волейбол. Со сяна, семьяос понна ӵошатсконъёс но радъяськизы. Вормисьёсты но призёръёсты грамотаосын, медальёсын пусйизы.

Вераны кулэ, Башкортостанын спорт зол азинске. Солэсь видъёссэ азинтонлы кивалтэт бадӟым саклык висъя.

- Мон спортэн эшъяськисько бере, соин тодӥсько, спорт - улонлэн одӥгез ӧрез, кытын тазалыкез кыдатыны, улонэз ӟечомытыны луэ. Спорт егитъёслы но юрттэ, соосты оскымон, умой сюресэ поттэ, - вера Башкортостанлэн тӧроез Радий Хабиров. – Мугорез кыдатон сяна, спорт визьнода но. Соин ик спортлы асьмеос трос саклык висъяны кулэ.

Берло аръёсы республикаын бадӟым уж нуиське, калыкез спортэ кыскон вылысь. Регионын спортлэн 141 пӧртэм видэз азинске. Спортэз азинтонын валтӥсь программа – «Спортивная школа Башкортостана»  - пиналъёс, егитъёс пӧлын кужмо спортсменъёсты шараяны юрттэ. Со сяна, нылпиос понна трос кружокъёс, секциос ужало.

Туспуктэм вылын Чулковъёслэн семьязы. 

Фото:соцсети Ульяна Чулкова