Ыбылӥськизы, турникын ӝуткаськизы, бызьылӥзы

Ӵошатсконын нимысьтыз вормисьёсты но бырйизы, командаос пӧлын но кужмоосты шараязы. 5-6-тӥ классъёс пӧлын ыбылӥськонын висъяськизы витетӥ классын дышетскисьёс, кыкетӥ интыын – 6-тӥ «Б» класс, куинетӥын – 6-тӥ «А» класс. Личной зачётын вормисе потӥз Ролан Галинуров, 2-тӥ но 3-тӥ интыосын луизы Михаил Зиятинов но Никита Гадиятов. 7-9-тӥ классъёс пӧлын вормисе потӥз 9-тӥ класс. Тужгес усто ыбылӥськеменызы висъяськизы Роман Гарайшин (1-тӥ интыын), Семён Шарибзянов (2-тӥ интыын), Глеб Менгалиев (3-тӥ интыын).

Турникын ӝуткаськонын вормисе потӥз 5-тӥ класслэн командаез. Кыкетӥ интыын луиз 6-тӥ «Б» класс, 3-тӥ интыын - 6-тӥ «А» класс. Личной зачётын 1-тӥ интыын луиз Никита Гадиятов, 2-тӥ интыын – Ролан Галинуров, 3-тӥ интыез люкизы Яромир Латутин но Рома Алдинов. Нош 7-9-тӥ классъёс пӧлын кужмо луиз 9-тӥ класслэн командаез, кыкетӥ но куинетӥ интыосын – 8-тӥ «Б» но 8-тӥ «А» классъёс. Личной зачётын вормиз Данил Темиркаев. Кыкетӥ интыын луиз Равиль Габдулин, 3-тӥ интыын – Семён Шарибзянов.

500 метре бызьылонын шаплы луизы 5-тӥ классысь пиос. Кыкетӥ интыын луиз 6-тӥ «А» класс, 3-тӥ интыын - 6-тӥ «Б» класс. Ролан Галинуров вормисе потӥз, 2-тӥ но 3-тӥ интыосын – Даниил Менгаязов, Никита Гадиятов.

7-9-тӥ классъёс пӧлын вормиз 9-тӥ класслэн командаез, кыкетӥ но куинетӥ интыосын – 8-тӥ «Б» но 8-тӥ «А» классъёс. Личной зачётын вормиз Глеб Менгалиев. Кыкетӥ интыез басьтӥз Равиль Габдулин, куинетӥ интыез – Кирилл Аллояров.

Пусъёно, витетӥ класслы вормыны юрттӥзы 3-тӥ классысь пиос Егор Шарибзянов, Даниил Менгаязов, Оскар Шуткуров.

Вормисьёс но призёръёс дипломъёсын, грамотаосын но ческыт кузьымъёсын пусъемын.

Фото: ШКОЛЬНЫЙ СПОРТИВНЫЙ КЛУБ "МЕДВЕДЬ"