+6 °С
Яркыт
Антитеррор
Вань иворъёс
Спорт
1 февраль 2022, 09:30

Башкириысь 13 спортсменъёс Олимпи шудонъёсы пыриськозы

Олимпи шудонъёсы Россилэн пӧртэм регионъёсысьтыз спортсменъёс пырисько.

 Соослэн лыдзыя Башкортостан Приволжск федерал округын - нырысетӥ интыын. Олимпиадае республикаысь 13 спортсменъёс (запасын одӥгез вань на) пырисько: «Агидель» хоккейной клубын шудӥсь сизьым хоккеистъёс Полина Лучникова, Анна Шибанова, Ольга Сосина, Мария Сорокина, Мария Печникова, Илона Маркова, Вероника Коржакова, «Салават Юлаев» хоккейной клубысь хоккеист Александр Кадейкин, биатлонист Эдуард Латыпов (запасын Антон Бабиков), шорт-трекист Семён Елистратов (фотоын), бобслеистъёс Ростислав Гайтюкевич но Юлия Беломестных, скелетонист Александр Третьяков. «Азьвыл Олимпи шудонъёсы регионысьтымы спортсменъёс ӧжытгес пыриськизы. Берлозэ трос пыриськиллям 1992-тӥ арын », - вера республикаысь спортъя министр Руслан Хабибов.

Кыкетӥ интыын - Нижегородск улосвыл. Отысь 12 спортсменъёс Олимпи шудонъёсы пырисько. Куинетӥ интыын – Пермь шаер: олимпийской медальёс понна укмыс спортсменъёс нюръяськозы. Пусъёно, Приволжск федерал округысь спортсменъёслэн лыдзы Россилэн огазеям командаезлэн 20 процентэзлы ӵоша.

Россиысь спортсменъёслы вазиськыса, Россилэн Президентэз Владимир Путин вераз:

- Ми татын, вордскем шаерын, тӥляд вормонъёстылы шумпотыса уломы. Оскиськом, тӥ быгатонлыкъёстэс ӟеч возьматоды, олимпийской аренаосын тӥледлы вуисьёс уз луэ.

Фото: открытый источник.

Автор:Миляуша Булатова
Читайте нас: