Ӵошатсконын шахматъя ёрос чемпионъёсты буре ваизы

Кыкетӥ-витетӥ классъёсын дышетскисьёс пӧлын туэ Мирослав Саяфаровлы вуисьёс ӧз луэ. Со котькуд вамышсэ ӟеч малпаса лэсьтӥз. Нош кыкетӥ но куинетӥ интыосты Виталий Губаев но Константин Шайхуллин люкизы. Нылъёс пӧлын Ярина Шакирова кужмогес луиз. Кыкетӥ но куинетӥ интыосы потӥзы Дарина Кайранова но Элина Ушиярова.

Бадӟым классъёс пӧлын Владимир Рахимзянов но Регина Рахимзянова нырысетӥ интыосын луизы. Кыкетӥ интыосы потӥзы Валерий Губаев но Анастасия Рахимзянова, куинетӥ интыын – Давид Кайранов но Полина Шакирова.

Тунсыко радъяськиз пиосмуртъёс пӧлын ӵошатскон. Соос пӧлысь тросэз татчы нырысьсэ гинэ вуэмын ӧвӧл ни. Шудонъёс йылпумъяськем бере тодмо луиз, ӵошатсконын нырысетӥ интые Янаулысь команда потӥз шуыса. Нош Нефтекамскысь но Татышлы ёросысь Кальтяевоысь шудӥсьёс кыкетӥ но куинетӥ интыосын буйгатсконо луизы.