Куас сюрес вылэ потӥзы школаын дышетскисьёслэн, учреждениослэн, предприятиослэн, пӧртэм организациослэн командаоссы но мылкыд карисьёс. Ӵошатскисьёслэн лыдзы 100-лы матэ вал. Соос сизьым категориосъя люкиськыса бызизы. Вераны кулэ, Пермь шаерысь Чернушкаысь куноос но ӵошатсконэ пыриськыны мылкыд кариллям.
Кужмо куасчиослэн ӝог быземзы улсын, лыжня ӟырдаса кылиз, дыр. Котькин вормон сярысь малпаськыса финише дыртӥз. Вормисьёсты ӟечкылан кылъёсын шумпоттӥзы, кузьымъёсын пусйизы.
Фото: https://vk.com/club107258580?z=photo-107258580_457259796%2Falbum-107258580_00%2Frev