Нылкышноослэн нуналзы азьын спорт фестиваль ортчиз

Ӵошатсконэ 23 командаос пыриськизы. Соосты ӟечкыланы вуизы Татышлы ёрос администрациен кивалтӥсь Ф. Р. Шайхисламов но Кун Думаысь депутат И. З. Бикбаев. Ильдар Зинурович нылкышноосты тау карон гожтэтъёсын пусйиз. Собере спорт ӵошатсконъёс кутскизы. Командаос, кылсярысь, уязы,30 метре бызьылӥзы, пневматической винтовкаен ыбылӥськизы но мукет.

Гурт поселениос пӧлын кужмогес луиз Улысь Балтачысь команда, кыкетӥ но куинетӥ интыосты люкизы кальтяевоос но бадряшъёс. Нош учреждениосысь, предприятиосысь, организациосысь нылкышноос пӧлын вормисе потӥзы администрациын, реабилитационной центрын но киновидеосетьын ужасьёслэн командаоссы. Ӵошатсконын вормисьёсты нимысьтыз кузьымъёсын но пусйизы. Нырысетӥ интые потэм командаосысь Ильнара Гарайшина, Элеонора Мухаметзянова, Гузель Шакирова но Алиса Исмагилова, кылсярысь, депутатлэсь кузьымзэ басьтӥзы - соос Москвае вуылыны быгатозы.

туспуктэм:https://vk.com/elza_danilovna