Одӥг нуналэ трос калык куас вылэ султоз

Башкортостан одӥгаз бадӟым спорт ужрадэ дасяське. 13-тӥ феврале «Лыжня России» ортчоз. Сое радъясьёс малпало, туэ куас вылэ республикаысьтымы 120000 адямиос султозы шуыса. Ужрадэ республикаысьтымы котькуд ёрос но город дасяське угось.

«Лыжня России» 1982-тӥ арысен ортче. Шаерамы со спортэн герӟаськем ужрадъёс пӧлын тужгес паськыт вӧлмемез луэ. Отчы пичиос но, бадӟымъёс но шумпотыса пырисько. «Лыжня России» «Демография» национальной проектлэн «Спорт – норма жизни» федерал проектэзъя радъяське.

Туспуктэм вылын: Татышлы ёросысь И. Шайсламоваез но Ф. Нуриахметовез ӟечкылало (2020-тӥ ар).