Скелетонъя ӵошатсконын кужымзэ эскериз

Калтасы ёросысь Бадӟым Качак школаын 11-тӥ классын дышетскись Валерий Байметовлэн спортын вормонъёсыз сярысь газетмылэн бамъёсаз гожъямы ни. Алигес нош ик выль шумпотон ивор вуиз.

Валерий, Башкортостанлэн первенствояз вакчи дистанцие бызьыса ӟеч лыдпусъёс возьматэмез бере, республикалэн скелетонъя командаяз ӧтемын вал. Озьы со гудырикошкон толэзе Подмосковьеын сборъёсын луиз, Россиысь Дышетскисьёслэн спартакиадаязы пыриськиз. Валерий нырысетӥ стартъёсаз кыкетӥ интыын луиз, кыкетӥосаз – ньылетӥын.