Спортлэн азинскем сюрестӥз ортчоно ке…

Россиын спорт кемалась вордӥськемын. Солэн вашкала видъёсыз – лапта, куасэн но салазкиен нискылан, мыжгаськыса шудон. Кылсярысь, мыжгаськыса нюръяськонъёсы туж трос адями пыриське вылэм.

Шаерамы спортэз азинтонэ трос кужымзэ понэм Пётр I. Со кивалтон вакытэ школаосын «физическая культура» предмет кылдэм. Физкультурая урокъёсын эктонлы, ыбылӥськонлы, гимнастикалы, фехтованилы саклык висъяськем.

Дас укмысэтӥ даурын бадӟымесь городъёсын ипподромъёс, манежъёс, ыбылӥськон тиръёс усьтӥськиллям. Шаерамы ӵем вуылӥсь англичанъёс, французъёс но Россиысь спортлэн азинскон сюресаз трос выльзэ пыртӥллям: спортъя кружокъёс но секциос, спортивной площадкаос кылдылӥллям.

Фото из открытых источников.