Спортзалын тупатон ужъёс лэсьтэмын

Шаерамы азинскись «Образование» национальной проект улсын Бурай ёросысь Выль Тазлар школаын, кытын дышетско Касияровоысь нылпиос, спортзалзэс тупатӥзы: быдэсак укноос, электропроводка воштэмын, энергоэффективной светильникъёс пуктэмын, выжъёс выльдэмын. Школалэн директорез Ильдар Гадылгареев вера: «Ми, дышетӥсьёс, дышетскисьёс но пиналъёслэн анай-атайёссы, туж шумпотӥськом, тодон-валан юртын таӵе бадӟым уж быдэстӥськиз, выльдэм спортзаллэн ӧсъёсыз усьтӥськизы шуыса». Югыт спортзалын ортчись физкультурая урокъёсазы, спорт ужрадъёсы нылъёс но пиос шумпотыса вуозы. Соослэн спортэн эшъяськон мылкыдзы пуромоз.

Фото: https://vk.com/club154959684?z=photo530731263_457240594%2Fwall-154959684_5020