Волейболъя ӵошатсконъёс ортчизы

Нылкышноослэн нуналзы азьын Бадӟым Качак гуртысь нылкышноослэн, Бадӟым Качак школаын ужась кышномуртъёслэн но школаысь «Звезда» нылпи спортивной клубе пыриськись нылъёслэн командаоссы Бадӟым Качак гурт поселенилэн волейболъя первенствояз пыриськизы. Ӵошатсконын котькуд команда зол кужымзэ возьматӥз. Вормисе потӥз «Звезда» команда. Кыкетӥ интыын луиз Бадӟым Качак гуртлэн командаез, куинетӥ – школалэн.

Вормисьёсты гурт поселенилэн администрациезлэн но школалэн кузьымъёсынызы пусйизы.

Со сяна, алигес ёросамы волейболъя отборочной турнир ортчиз. Отын Бадӟым Качакысь нылъёслэн но пиослэн командаоссы вормисе потӥзы. Анастасия Гиндуллина но Валерий Галиахметов «Устоез шудӥсь» нимлы кузё луизы.