Спортэн эшъясько, олимпиадаосы но пырисько

Татысь физкультурая дышетӥсьёс спортлэн котькуд видэзлы саклык висъяло. Куасэн ӵошатсконъёс но татын ӵем ортчо.

Физкультурая но ОБЖ-я дышетӥсьлэн Радмир Губаевлэн кичӧлтэмезъя, кылем арняын куасэн бызьылонъя школалэн первенствроез ортчиз. «Отчы 2-4-тӥ классъёсын дышетскисьёс пыриськизы. Соос одӥг иськеме бызизы. Пиос пӧлын вормисе потӥз 4-тӥ классысь Виталий Губаев. Кыкетӥ интыын луиз 3-тӥ классысь Ильнур Фахтенюров, куинетӥ – 4-тӥ классысь Антон Ушияров. Нылъёс пӧлын 3-тӥ классысь Ева Гильмаутдинова ваньзылэсь шаплы луиз. Кыкетӥ но куинетӥ интыосын – 3-тӥ классысь Ильнара Мухарамова но 4-тӥ классысь Сузанна Хабибуллина», - вера Радмир Владимирович.

Улысь Балтач школаын дышетскисьёс олимпиадаосы но мыло-кыдо пырисько. Туэ ОБЖ-я быдэсросси олимпиадаын Реналь Баймиев кужымзэ мертаз. Ёросын вормисе потыса, со Уфае олимпиадалэн региональной этапаз вуылӥз, «призёр» нимлы кузё луиз. Отчы сое дышетӥсез Р. В. Губаев дасяз.

Туспуктэ вылын: 3-4-тӥ классын дышетскисьёс.

Туспуктэм вотэсбамысь басьтэмын.