-16 °С
Салкым
Антитеррор
Вань иворъёс
Спорт
12 февраль 2020, 18:25

Полиатлон кужмо пиналъёсты шараяз

Россиысь ДОСААФ-лэн Татышлы ёросысь ёзэтэз арлы быдэ тол полиатлонъя ӵошатскон радъя. Туэ со Буре ваён но данъян ар улсын ортчиз. Ӵошатскон куасэн бызьылонлэсь, пневматической винтовкаен ыбылӥськонлэсь, турникын но выж вылысен ӝуткаськонъёслэсь сылӥз.

Ӵошатсконэ ёросысь тямыс командаос пыриськыны мылкыд каризы. Татын котьку сямен вормон понна Улысь Балтач но Кальтяево школаосысь пиналъёс нюръяськизы. Кужмогес луизы улысь балтачъёс. Нош кальтяевоослы кыкетӥ интыен буйгатсконо луиз. Куинетӥ инты понна Вуж Кайпанысь пиналъёс шумпотӥзы. Личной первенствоын Вуж Кайпанысь Л. Закировлы но Кальтяевоысь Р. Нуриахметовалы вуисьёс ӧз луэ. Кыкетӥ интыосы потӥзы Улысь Балтачысь А. Шайсламов но А. Давлетбаева. Куинетӥ интыосын – Кальтяевоысь Д. Кунакбаев но Вылысь Татышлыысь кыкетӥ номеро школаысь Н. Манапова. ДОСААФ-лэн интыысь ёзэтэз вормисьёсты медальёсын, Данъян грамотаосын но синпель кузьымъёсын пусйиз.
Туспуктэм вылын: Кальтяево школаысь пиналъёс ыбылӥсько.
Читайте нас в