Ёрос первенствоысь вормонэн бертӥзы

Дышетскисьёс ёросын ортчись спорт ужрадъёсы пыриськон сяна, зонаын, республикаын радъяськись ӵошатсконъёсы но ӵем пырисько, вормонъёс уто. Школаез йылпумъяса но пиналъёс спортлэсь уг палэнско. Соосты пӧртэм ӵошатсконъёсысь пумитаны луэ.

Толшор толэзьлэн нырысетӥ нуналъёсаз Бадӟым Качак гуртлэн командаез волейболъя ёрос первенствое пыриськиз, отысь вормонэн бертӥз. Чемпионъёсты ӵошатсконэ командазылэн капитанэз, школаысь физкультурая дышетӥсь Григорий Тимирбаев дасяз.