Ӝӧквыл теннисъя ёрос чемпионат

Ёросъёсын ортчись ужрадъёс но трос спортсменъёсты огазеяло. Кема ӧвӧл Татышлы ёросын «XVIII Сельские спортивные игры» ужрад улсын ӝӧквыл теннисъя ёрос чемпионат ортчиз. Отчы гурт поселениослэн, организациослэн, предприятиослэн командаоссы пыриськизы.

Вераны кулэ, ӝӧквыл теннисъя ёрос ӵошатсконъёсын Улысь Балтач но Выль Татышлы гурт поселениослэн командаоссы котьку вормисьёс пӧлын луо. Таяз шудонын но соос усто быгатонлыкъёссэс возьматӥзы. Вормисе потӥзы улысь балтачъёс (командаын шудӥзы Оксана Ушиярова но Юрий Губаев). Кыкетӥ интыын – выль татышлыос, куинетӥ – курдымъёс.

Организациос, предприятиос пӧлын ёросысь культурая управленилэн командаезлы вуисьёс ӧз луэ (командаын шудӥзы Елена но Юрий Нуриахметовъёс). Дышетонъя ёзэтлэн командаез кыкетӥ интыын луиз, ёрос администрацилэн командаез куинетӥ интыын.

Дасяз Миляуша

НИГАМАТУЛЛИНА.