Вань иворъёс
Спорт
24 апрель 2019, 17:31

Кроссын кужымзэс эскеризы

Кема ӧвӧл школаямы, гужем спорт сезонэз усьтонлы сӥзьыса, капчи атлетикая ӵошатскон радъямы. Отчы Татышлы ёросысь Улысь Балтач школаын 1-11-тӥ классъёсын дышетскисьёс пыриськизы. Вормисьёсты ньыль группаосъя бырйимы.

Нырысетӥ классын дышетскисьёс пӧлын финише ваньзылэсь ӝог вуизы Юстин Андреев но Элина Суфиянова. Кыкетӥ группаын (2-4-тӥ классъёс) вормисе потӥзы 4-тӥ классын дышетскисьёс Максим Аллаяров но Дарья Аллаярова. Куинетӥ группаын 5-7-тӥ классъёсын дышетскисьёс бызизы. Татын 7-тӥ классысь Максим Шайдуллинлы но 6-тӥ классысь Карина Мухаяровалы вуисьёс ӧз луэ. Ньылетӥ группаын, 8-11-тӥ классъёсысь нылъёс но пиос пӧлын, 8-тӥ классысь Александр Шайсламов но 9-тӥ классысь Марина Хайдарова ӝоглыкенызы висъяськизы.
Радмир ГУБАЕВ,
физкультурая дышетӥсь.