-14 °С
Лымы
Антитеррор
Вань иворъёс
Спорт
19 южтолэзь 2019, 11:05

Куасчиез буре вайыса

Арлы быдэ Татышлы ёросысь Кызыл-Ярын Чечняын бырем ожгарчилы сӥзем куасэн ӵошатскон ортче.

Со биатлон амалэн радъяське. Туэ Сергей Самиевез буре ваён ужрад сизьыметӥ ползэ ортчиз. Отчы Татышлы но Балтач ёросъёсъя военком А. Арсланов, Россиысь ДОСААФ-лэн интыысь ёзэтэныз кивалтӥсь М. Самигулов, дано улосчимылэн ӵыжы-выжыоссы но биатлонэн тунсыкъяськисьёс пыриськизы. Куас сюрес вылэ сизьым командаос (кык пи, кык ныл) потӥзы. Ӵошатскон дартлы ортчиз. Шор ёзо школаос пӧлын интыос тазьы радъяськизы: Улысь Балтачысь нырысетӥ команда вормисе потӥз, Выль Татышлыысь команда - кыкетӥ, Улысь Балтачысь кыкетӥ команда - куинетӥ. Основной школаос куспын но ӟырдыт нюръяськон луиз. Вормизы Кальтяево школаысь спортсменъёс, кыкетӥ но куинетӥ интыосын – Улысь Балтач но Кызыл-Яр школаосысь куасчиос.
Дасяз Анна БАЙДУЛЛИНА.