«Президент ӵошатсконъёс»

Татышлы ёросысь Улысь Балтач школаысь 9-тӥ классын дышетскисьёс «Президентские состязания» быдэсросси ӵошатсконъёслэн региональной этапаз пыриськизы. Ӵошатсконъёс Стерлитамакын радъяськизы, отчы гуртъёсысь 12 командаос вуэмын вал. Улысь балтачъёс спорт ужрадысь ньылетӥ интыен берытскизы. Эстафетаын соос кыкетӥ интылы кузё луизы. Ӵошатсконъёсы пиналъёсты дасязы физкультурая дышетӥсьёс Р.В. Губаев но В. Р. Губаев.