-15 °С
Салкым
Антитеррор
Вань иворъёс
Спорт
21 южтолэзь 2018, 16:50

Ёрослэсь данзэ утизы

Татышлы ёросысь Выль Татышлы шор ёзо школаын пиналъёс ӟеч дышетскемзы сяна, тазалыко улонэн но эшъясько.

Татышлы ёросысь Выль Татышлы шор ёзо школаын пиналъёс ӟеч дышетскемзы сяна, тазалыко улонэн но эшъясько.
Татысь школаын дышетскисьёс пӧртэм ёрос но республика ужрадъёсы мыло-кыдо пырисько, вормонъёсынызы шумпотто. Спорт ӵошатсконъёсын но соослы вуисьёс ӧвӧл. Выль Татышлы школаысь пиослэн волейболъя командазы, кылсярысь, зональной ӵошатсконысь вормонэн берытскиз. Отын тямыс ёросъёс пӧлын нырысетӥ интые потыса, пиос 13-15-тӥ южтолэзе Стерлитамакын ортчись республика ӵошатсконэ пыриськизы. Отчы 2003-2004-тӥ аръёсы вордӥськем пиналъёслэн дас одӥг камандаоссы люкаськизы. Татышлы ёрослэсь данзэ Выль Татышлы школалэн командаез утиз. Со понна Никита Гильмуранов (туспуктэм вылын паллянысен буре), Ревалдо Манапов, Динар Муллаяров, Никита Ардуанов, Роман Ахметзянов, Дмитрий Шакиров, Идель Шакиров, Данил Кабипянов, Денис Сергеев, Максим Нуриахметов, Рональдинио Гарифуллин шудӥзы. Пиос республика ужрадысь кыкетӥ интыен берытскизы. Пиналъёсты ӵошатсконэ дасязы ДЮСШ-ысь тренеръёс А. И. Сабанчин, Ю. В. Губаев но Ф. М. Биктимиров.
Марина НИКОЛАЕВА.
Татышлы ёрос.
Читайте нас в