Тазалыксэс юнмато

Пермь шаерысь Куеда ёросысь Гожан гуртысь культура юртын арлыдоослэн «Пинал сюлэм» ансамбльзы вань. Отысь кырӟасьёс пӧртэм интыосы концертъёсын вуылӥзы ни. Соос шумпотонзэс но, сюлмаськонзэс но кырӟан пыр возьмато, калык гуръёсты утён сярысь сюлмасько. Нош берло аръёсы нылкышноос, сям-йылолъёсты, кырӟанъёсты утён сяна, тазалыксэс юнматон сярысь но сюлмаськыны кутскизы. Озьы соос скандинавской вамышен эшъяськизы, куас вылэ султӥзы. Гурезьёстӥ салазкиен нискыланзылы но паймонэз ӧвӧл. Инкуазьын шутэтскон соослэсь мылкыдзэс, пе, ӝутэ, мугорзэс капчигес каре.

Туспуктэм вылын: Чужин Моллахматова (паллянысен буре), Лидия Шаяхметова но Галина Широбокова.