Волейбол

Кылем арнялэн пумаз Татышлы ёрослэн кубокезлы волейболъя ӵошатскон ортчиз. Отчы ёросысь пиосмуртъёслэн куать но нылкышноослэн ньыль командаоссы пыриськизы. Соос куспын ӟырдыт нюръяськон пуромиз. Пиосмуртъёс пӧлын финалэ потӥзы Выль Татышлы, Улысь Балтач, Курдым гурт поселениослэн но РЭС-лэн командаоссы. Кубоклы выль татышлыос кузё луизы (шудӥзы В. Сабанчин, Г. Ахметшин, А. Шайсламов, И. Латипов, В. Мардамшин, Д. Зиядуллин). Кыкетӥ интыын – улысь балтачъёс, куинетӥ – курдымъёс.

Нылкышноослэн командаоссы но ӵошатсконэ пыр-поч дасяськиллям. Шудон бырытозь но учкисьёс туназы – вормон кин киын луоз? Кужмогес луиз ёрос центрлэн нырысетӥ командаез ( шудӥзы А. Исмагилова, С. Гайнетдинова, Ч. Кутлубаева, Г. Фархитова, А. Шайхуллина, Л. Ибатуллина). Кыкетӥ но куинетӥ интыосты утӥзы выль татышлыос но ёрос центрлэн кыкетӥ командаез.