Тазалыко улонэн эшъясько

25-27-тӥ гудырикошконэ Агидельын пенсионеръёс пӧлын республика спартакиада ортчиз. Сое Россиысь Пенсионеръёслэн союззылэн интыысьтыз ёзэтэз радъяз. Солы юрттӥзы Башкортостанысь общественной палата, БР-ысь Егитъёслэн политиказыя но спортъя министерство, Агидель городлэн администрациез.

Ӵошатсконэ Татышлы ёросысь спортэн, тазалыко улонэн эшъяськисьёс но пыриськизы. Татысь командаын луизы Бальзюгаысь Светлана но Александр Сабанчинъёс, Выль Татышлыысь Зульфира Зарипова но Вылысь Татышлыысь Людмила Фархитова. Соос капчи атлетикаын, ыбылӥськонын, шахматэн но теннисэн шудонын, уянын кужымзэс эскеризы.

- Ӵошатсконэ 55 ареслэсь бадӟым нылкышноос но 60 ареслэсь бадӟым пиосмуртъёс пыриськыны быгато. Та нуналъёсы Агидель республикамылэн пӧртэм городъёсысьтыз но ёросъёсысьтыз трос ӵошатскисьёсты пумитам. Учалыысь команда понна, кылсярысь, теннисэн 83 аресъем нылкышно шудӥз, - вера Светлана Минзариповна Сабанчина.

Татышлы ёросысь команда зол кужымзэ возьматэм капчи атлетикаын. Отын нырысетӥ интылы кузё луэм Н. Х. Хуснуллин. Нош уянын куинетӥ интые потэм А. И. Сабанчин.

Читайте нас в

Учредитель: Агентство по печати и средствам массовой информации Республики Башкортостан

Регистрационный номер: Свидетельство ПИ № ТУ02-01536 от 6 июня 2016г. Главный редактор: Нигаматуллина Оля Борисовна

Газета "Ошмес" - общественно-политическая, социальная, культурно-просветительская газета удмуртов Республики Башкортостан.

Телефон

Телефон+7 (34778) 2-11-89, 2-18-71

Электронная почта

[email protected]

Адрес

452830, Республика Башкортостан, Татышлинский район, с. Верхние Татышлы, ул. Ленина, д. 91