-15 °С
Лымы
Антитеррор
Вань иворъёс
Спорт
1 южтолэзь 2017, 18:02

Валтӥсь ужпумъёс - бадӟымесь ужъёс

Алигес регионысь «Объединённая федерация хоккея Башкирии» общественной огазеяськонлэн ужезлы сӥзем пресс-конференция ортчиз. Отчы «Объединённая федерация хоккея Башкирии» РОО-лэн Президентэз Вадим Кашапов, «Объединённая федерация хоккея Башкирии» РОО-лэн Президиумезлэн ёзчиез Александр Семак но мукетъёс пыриськизы. Пресс-конференциын вылӥын пусъем огазеяськонлэн ужъёсыз эскериськизы, озьы ик вуоноезлы ужпумъёс пуктэмын.

Кылемаз хоккей сезонын, Вадим Кашаповлэн кылъёсызъя, республикаын 28 ужрад ортчемын – нылпиослы но егитъёслы чемпионатъёс но первенствоос, «Золотая шайба» улсын радъяськем матчъёс, студенъёслы лигаос. 2016-1017-тӥ хоккей сезон сярысь верано ке, планъя 33 ужрад ортчытыны чакламын. «Объединённая федерация хоккея Башкирии» РОО-лэн валтӥсь ужпумез – республикаын хоккеез азинтон, спортэн тунсыкъяськисьёслэсь лыдзэс будэтон. Кылем арлэн пумаз, кылсярысь, республикаын нылпиослы калыккуспо благотворительной турнир ортчиз, отчы Донецкысь команда но пыриськиз.

«Котькин тодэ, республикаын хоккейлы бадӟым саклык висъяське. Соин ик шаерамы хоккеен шудон интыосты тупатон вылысь, трос ужъёс нуоно. Со сярысь ёросъёсын но, городъёсын но сюлмасько, хоккеен шудыны мылкыд карисьёслэн лыдзы ӧжыт ӧвӧл угось, соослы ӟеч луонлыкъёс кылдытоно», - вера Александр Семак.