Тупаса улон понна бызьылон

Нырысетӥ инвожое Севастополь но Пермь городъёсысен «Бег Мира» эстафета кутскиз. Отчы спортсменъёс, волонтёръёс пырисько но тупаса улонлэсь факелзэ киысь кие выжто.2016-тӥ арын эстафета 100-лэсь трос шаеръёсты ортчоз. Солэн кузьдалаез 70 сюрс иськем кыстӥськоз, со пӧлысь 19 сюрс иськемез Россиысь городъёсты но ёросъёсты герӟалоз.

17-тӥ куарусёнэ эстафета Балтач, Татышлы, Янаул ёросъёстӥ ортчиз. Спортсменъёс котькытын Быдӟым Атыкай ож аръёсы быремъёслы мемориал вӧзы дугдылӥзы, тупаса улонэз вуттэмзы понна тау каризы. Туннэ – Тупаса улонлэн калыккуспо нуналаз – Эстафеталэн факелэз Уфае вуиз. Татын солэн Россиын ортчись люкетэз йылпумъяськоз.