Кивалтӥсь быдэстэм ужъёсыз сярысь вераз

Туннэ нуналэ Бадӟым Качак гурт поселениын 10 депутатъёс лыдъясько. Котькуд ар гурт поселенилэн администарциеныз кивалтӥсь соосын нимысьтыз пумиськон ортчытэ. Туннэ, 23-тӥ мае, кивалтӥсь кылем арын радъяськем ужъёсын тодматӥз. Солэн кылъёсызъя, Бадӟым Качак гурт поселение куать гуртъёс пыро, нош  быдӟалаез, азьвыл сямен ик, 10586 га ӵоша. Татын 555 хозяйствоын 949 адями улэ. Гурт поселениын шор ёзо школа ужа, отын 81 нылпи тодон-валан басьтэ, нош нылпи садэ 10 пичильтокъёс ветло. Озьы ик гурт поселениын ньыль клубъёс но фельдшерско-акушерской пунктъёс, куать магазинъёс, почта но «Победа» ООО  лыдъясько.

Татысь гурт калык вань ужъёсы мылысь-кыдысь пыриське. Кылсярысь, ППМИ  проект улсын Качкинтурайысь клублэсь шунтон системазэ выльдӥзы, «Наше село» программаен Бадӟым Качаке Быдӟым Атыкай ожын быремъёслы обелиск тупатӥзы, нош «Атайсал» программае пыриськыса 60 проектъёс лэсьтӥзы. Со сяна, Бадӟым Качак гурт поселениын улӥсьёс «Трезвое село» конкурслэн ёрос этапаз кужымзэс мертазы.

Г.Д. Хайдаршинлэн кылъёсызъя, азьпалан гуртъёсысь ульчаосты уйин югдытон системаез выльдон ужъёс азинтӥськозы. Озьы ик гурт поселениын ППМИ но «Наше село» программаосъя проектъёс быдэстӥськозы.

Озьы ик, вераны кулэ,  та нуналэ депутатъёс нимысьтыз удостоверениоссэс басьтӥзы, ӵошен быръем кивалтӥсьсылэсь быдэстэм ужъёссэ вылӥ дунъязы.