Куара сётон азинске

Туннэ, 1 июле, берпуметӥез куара сётон нунал. Быръён участокъёс ӵукна тямыс часысен куара сётӥсьёсты пумитало.

Республикалэн Тӧроез Радий Хабиров 29-тӥ июне ортчем оперативной совещаниын быръёнъёслэн радъяськемзы сярысь вераськиз.

- Башкириын улӥсьёс быръён участокъёсы мылысь-кыдысь вуо. Та дыре тросэз куаразэс сётӥзы ни. Куара сётон динамикаез эскероно ке, республикамы Россиысь регионъёс пӧлын куинетӥ-ньылетӥ интыын лыдъяське, - вераз республикаен кивалтӥсь.

Башкортостанлэн Тӧроез интыысь аскивалтэтлы санитарно-эпидемиологической куронъёсты эскерыны курыса но вазиськиз.

Туспуктэм вылын: Татышлы ёросысь Выль Татышлыысь Татьяна Монжерина быръёнъёслэн нырысетӥ нуналаз ик куаразэ сётӥз.