Дышетон удысысь ужпумъёс сярысь вераськон

Россилэн Президентэз Владимир Путин просвещениея министрен Сергей Кравцовен пумиськылӥз. Владимир Владимирович дышетон удысын пумиськись тужгес сюлмаськытӥсь ужпумъёс сярысь юалляськиз.

Министр «майской указъёслэн» быдэстӥськемзы сярысь вераз. Дышетӥсьёслы уждун тыронын нокыӵе шуг-секытъёс уг пумисько шуыса пусйиз. Со сяна, «Образование» нацпроектлэн быдэстӥськемез сярысь, «январской» Вазиськонъя ужамзэс вераз. Нырысетӥ сентябрьысен классэн кивалтӥсьёслы ватсаса 5 сюрс манет тыриськоз шуыса пусйиз. Таӵе юрттэт понна со Президентлы тау кылъёссэ вераз.

Пумиськонын кыкетӥез валтӥсь ужпум покчи классъёсын дышетскисьёсты дунтэк сюдонэн герӟаськемын вал. Нош куинетӥез ужупум – со школаос, нылпи садъёс ӝутон.

Фото: http://www.kremlin.ru/events/president/news/62974