Ошмес
-16 °С
Салкым
Антитеррор
Вань иворъёс
Политика
27 февраль 2020, 10:20

Кылем арын 34 теракт палэнтэмын

#нацпроекты #региональныепроекты #регпроекты #нацпроектыБашкортостан #ВладимирПутин

2019-тӥ арын Россиын 34 теракт палэнтэмын. Со сярысь Россилэн Президентэз Владимир Путин ФСБ-лэн коллегиезлэн паськытатэм заседанияз вераз.
Владимир Путин кышкытлыкъёсын нюръяськонын ФСБ-лэн ужезлы вылӥ дунъет сётӥз. «Йыртэмасьёс кылем арын 57 кышкыт учыръёс дасяло вылэм. Соос пӧлысь 34-ез – терактъёс. Кышкытлыкъёсын нюръяськонын кунгож сьӧрысь ужъя эшъёсын кусып возён но бадӟым юрттэт луэ. Кылсярысь, кылем арын 27-тӥ толсуре, США-лэн ФБР-ез ивортэмъя, Санкт-Петербургын ИГИЛ-ын ужась кык йыртэмасьёсты киултыны быгатӥм. Соос выль ар праздникъёсы теракт дасяло вылэм», - вераз Владимир Владимирович.
Экстремизмен нюръяськон вылысь, В. В. Путин пиналъёсын, егитъёсын ужанлы саклык висъяны куриз. Заседаниын информационной ӧрын кышкытлыкъёслэсь утиськон сярысь но кылпум ӝутӥзы.
Дасямын kremlin.ru сайтъя.