Татышлы ёросын Радий Хабиров "Час главы" ортчытӥз

Берло аръёсы Татышлы ёросын олокӧня социальной объектъёс ӝутэмын. Тросэзлы РФ-лэн федерал бюджетысьтыз коньдон висъямын. Кылсярысь, азьвыл начальной школаын тупатон ужъёс лэсьтыса,190 нылпилы чаклам «Радуга» нылпи сад усьтӥськиз, физкультурно-оздоровительной комплекс ӝутэмын, «Социальное жильё» программая ветеранъёслы но сирота нылпиослы трос квартираё юртъёс пуктэмын но мукет.

Татышлы ёрос администрациен кивалтӥсьлэн Рушан Гараевлэн кылъёсызъя, одӥгез валтӥсь ужпум – со ёрос центрысь выль Юго-западной микрорайонын ву гумыос кыскон. Куать иськеме ву гумыос кыскыны проект дасян понна 8 млн манет коньдон кулэ. Та ужъёсты быдэстыны ёросэн кивалтӥсь Радий Хабировлэсь юрттэт куриз. Республикалэн Тӧроез пусйиз, проект ужъёс быдэстыны республика юрттоз шуыса.

Радий Хабиров ёросын «Башкирские дворики» программалэн быдэстӥськеменыз, ульчаосты югдытонлы саклык висъямен тунсыкъяськиз. Туэ Татышлы ёросын ньыль ФАП-ёс ӝутыны чакламын. Та пумысен Радий Хабиров вераз, эмъюртъёс ӝутонэн ӵош ӧнерчиосын герӟаськем югдурлы но саклык висъяно шуыса. «Асьмеос ФАП-ёс ӝутомы, но валтӥсь ужпум – отын ужасьёс мед луозы, - вераз республикалэн Тӧроез. – Огъя Татышлы ёрос умой азинске. Гурт удысын утэм лыдпусъёс умойесь. Шумпотымон, йӧл поттонъя Татышлы ёрос республикаын куатетӥ интыын. Выль ӝутэм культурая дворецын калык понна тунсыко ужрадъёс ортчо, татын нылпиослы ватсаса тодон-валан басьтыны ӟеч луонлыкъёс кылдытэмын».