-17 °С
Салкым
Антитеррор
Вань иворъёс
Политика
26 февраль 2019, 18:15

Семьяос сярысь сюлмаськоно

20-тӥ тулыспалэ Россилэн Президентэз Федерал Собрание азе черодысь Вазиськонэныз потӥз.

«Общество понна, трос пӧртэм калык улӥсь шаер понна семья кылдытон, пинал вордон, аслэсьтыд выжыдэ азинтон котьку нырысетӥ интыын луизы. Семья кусыпъёсты юнматон вылысь, ми ваньзэ лэсьтомы, вань кужыммес со ужпум вылэ пономы, - вераз Владимир Путин.
Россиын кылдэм демографической югдур котькинэ сюлмаськытэ. Президентлэн кылъёсызъя, шудо семьяосын нылпиос мед вордӥськозы шуыса, трос ужано.Семьяын нуны вордӥське ке, со семьялэн улон луонлыкъёсыз медаз кулэсмы. Соин ик тырмыт коньдон юрттэт возьматон сярысь сюлмаськоно. 2020-тӥ арысен 1-тӥ толшорысен нырысетӥ но кыкетӥ нуны вордэм понна коньдон пособилэсь быдӟалаез кык прожиточной минимумозь ӝутӥськоз. «Адямиослэн сыӵе куронъёссы вань. Президентлэн Администрацияз но вазисько. Таӵе юрттэтэн семьяослэн 70% -эз пайдаяськыны быгатозы», - вера Владимир Путин.
Инвалид нылпиоссы луэм семьяос сярысь но вунэтоно ӧвӧл. Туннэ нуналэ инвалид-нылпиосты утисьёслы 5,5 сюрс манет коньдон тыриське. 1-тӥ пӧсьтолэзьысен сое 10 сюрс манетозь ӝутозы.
«Семьяослэн доходъёссы одно ик йылыны кулэ. Та туж бадӟым ужпум. Нырысь ик налогъёсты кулэсмытон бордын ужано.Принцыпез таӵе луыны кулэ: тросгес нылпиос – ӧжытгес налог. Трос нылпиен семьяос нимысьтыз юртъёсын ке уло, музъемлы налог ӧжытгес мед тырозы, 6 сотка музъемзылы, кылсярысь, уг тыро ни. Таӵе льготаен пенсионеръёс пайдаясько ни», - пусъе шаерен кивалтӥсь.
Кылем арысен кыкетӥ но со бӧрсьы вордиськем нылпиосын семьяос понна льготной ипотекая программа ужа. Соос понна ставкаез – 6%. Кылемзэ кунмы субсидировать каре. Но малы ке но таӵе луонлыкъёсын туж ӧжытэз семьяос пайдаяськиллям. Матысь дыре кунмы ипотечной кредитъёсты пумозяз субсидировать карыны кутскоз.
«Семьяослы дась юрт басьтыны гинэ луонлыкъёс кылдытоно ӧвӧл, асьсэос но юрт ӝутыны мед быгатозы. Улон юртъёс вань бере, соос вӧзын ик школаос, эмъюртъёс, нылпиослы шудон площадкаос но мед луозы. Нылпи садъёсын герӟаськем шугъяськонъёсты палэнтыны быгатӥм. Табере 2021-тӥ арозь яслиос сярысь малпаськоно: 270 сюрс нылпилы выль инты кылдытоно. Со пӧлысь 90 сюрс инты туэ кылдытэмын луыны кулэ», - вера Владимир Путин.
Миляуша НИГАМАТУЛЛИНА.
Читайте нас в