+4 °С
Салкым
Вань иворъёс
Политика
24 апрель 2018, 13:55
Калыклэсь сюлмаськонзэ кивалтэт быдэстыны тырше
19-тӥ оштолэзе Башкортостан Республикалэн Тӧроез Рустэм Хамитов меӵак эфирын калыклэн юанъёсызлы валэктонъёс сётӥз. Та нуналэ соос республикалэн социально-экономической азинсконэныз, тазалыкез утёнэн, ӝутӥськон удысэз азинтонэн но мукет юанъёсын вазиськизы.
19-тӥ оштолэзе Башкортостан Республикалэн Тӧроез Рустэм Хамитов меӵак эфирын калыклэн юанъёсызлы валэктонъёс сётӥз. Та нуналэ соос республикалэн социально-экономической азинсконэныз, тазалыкез утёнэн, ӝутӥськон удысэз азинтонэн но мукет юанъёсын вазиськизы.
Вордскем кылмес утён но сое азинтон анай-атаен герӟаськемын. Семьяын анай кылынызы верасько ке, пиналъёс сое гажалозы. Со сярысь вераз Республикалэн Тӧроез Рустэм Хамитов меӵак эфирын Челябинск улосвылын улӥсьлэн юанэзлы валэктон сётыса.
Рустэм Хамитовлэн верамезъя, анай кылэз азинтон понна кулэ книгаос, концертъёс но мукет со выллем ужрадъёс. Вордскем кылэз утён – бадӟым уж.
- Анайлэсь но атайлэсь кылзэс одно ик утёно. Со ласянь туннэ бадӟым ужъёс нуоно. Анай кылэз кужмысь дышетыны уз пӧрмы, - вера Рустэм Хамитов. - Со улонамы котькуд нунал кулэ мед луоз, анай кыл мед шунтоз лулпушмес, тодмоосынымы кусыпъёсмес мед герӟалоз.
Рустэм Хамитов вераз, азьланяз анай кылъёсты утёнлы республикамылэн кивалтэтэз тросгес саклык висъялоз шуыса. Туннэ башкир, бигер, пор, чуваш, удмурт кылъёсты азинтон сяна, ӟучез сярысь но сюлмаськоно, пе. Республикалэн Тӧроезлэн малпамезъя, туала вакытэ сое кунгож сьӧр кылъёс валантэм каро, «пожало».
Меӵак эфирын гурт удысэз азинтон сярысь но кылпум ӝутӥзы. «Кылем арын ӟеч ю тысь басьтэмын, йӧл но ӧжыт кыскемын ӧвӧл. Но малы ке соосты пичи дунын басьто. Гурт калыклы азьланяз кыӵе юрттэт витёно?» – юазы Рустэм Закиевичлэсь.
«Гурт удыслы республикаямы котьку бадӟым саклык висъяське. Кылем арын 4 миллион тонналы матэ ю тысь басьтэмын вал, нош солы дунъёс усизы. Итымъёсын ю тысь трос, оло, азьланяз солы дунъёс будозы. Кунмы гурт калыклы котьку юрттыны тырше», - вераз республикалэн Тӧроез.
Дасямын «Башинформысь» материалъя.
Читайте нас в
Учредитель: Агентство по печати и средствам массовой информации Республики Башкортостан
Регистрационный номер: Свидетельство ПИ № ТУ02-01536 от 6 июня 2016г.
Главный редактор: Нигаматуллина Оля Борисовна
Газета "Ошмес" - общественно-политическая, социальная, культурно-просветительская газета удмуртов Республики Башкортостан.
Телефон
Телефон+7 (34778) 2-11-89, 2-18-71
Электронная почта
Адрес
452830, Республика Башкортостан, Татышлинский район, с. Верхние Татышлы, ул. Ленина, д. 91