-15 °С
Лымы
Антитеррор
Вань иворъёс
Политика
7 декабрь 2017, 16:34

Вуоно арлы ужпумъёс пуктэмын: быдэсмозы-а соос?

Башкортостанлэн Тӧроез Рустэм Хамитов Кун Собрание-Курултай азе Вазиськонэныз потӥз. Отын со пӧртэм ужпумъёс сярысь вераськон ӝутӥз.

Башкортостанлэн Тӧроез Рустэм Хамитов Кун Собрание-Курултай азе Вазиськонэныз потӥз. Отын со пӧртэм ужпумъёс сярысь вераськон ӝутӥз.
Лыдпусъёс кышкытэсь ӧвӧл
Республикамылэн социально-экономической азинсконэз ляб ӧвӧл. Со ласянь лыдпусъёс, шаерен ӵошатоно ке, шӧдскымон вылӥынгес. Кылсярысь, 2017-тӥ арысь укмыс толэзь куспын промышленной производстволэн индексэз 102,3 процентлы ӵошаз, уждунлэн шор быдӟалаез – 29,3 сюрс манетлы (+6,3%). Республикаямы улыны лыктӥсь калыклэн лыдыз йылэ. Ӧжытгес адями улонэн люкиське.
Промышленность азинске
Башкортостанын промышленность ӟеч азинске. Озьы ке но интыын сылоно ӧвӧл: асьмелэн вуономы био- но нанотехнологиос, робототехника, генной инженерия но трос мукетыз бордын. Озьыен, промышленностез (мукет удысъёсты сямен ик) туала улонлэн куронъёсызъя выльдыны тыршоно.
Дышетскон
Дышетон удыслэн валтӥсь ужпумез – адямиослы шонер сюрес бырйыны юрттон, дышетон программаосты туала экономикалэн куронъёсызъя тупатон.
Кивалтӥсьёслэсь тодон-валанзэс будэтон сярысь БАГСУ сюлмаськоз. Дышетонэз дистанционной амалэн но, оло, радъяны луоз. Электронной университетъёс, тодмо тодосчиослэн онлайн-курсъёссы – асьмелэн вуономы.
Калыкез информационной технологиосын ужаны дышетом. Интернетэн но мобильной сервисъёсын егитъёс гинэ ӧвӧл, арлыдоос но мед ужалозы.
Усточи пиналъёсын ужан
Асьмелэн ӟеч ӧнерчиосмы палэнэ ужаны-улыны интыясько. Азьланяз соосты республикаямы кельтыны тыршоно. Нош со понна мед луозы кванториумъёс но технопаркъёс, профильной лагерьёс но компьютерной школаос.
Республикаысь Правительство усточи пиналъёсын ужаны программа дасялоз – пиналъёс тросгес грантъёс утыны мед быгатозы.
2018-тӥ арын Башкортостанын естественнонаучной уклонэн лицей-интернат усьтӥськоз. Со сяна, инженерной школаос кылдыны кулэ. Но вунэтоно ӧвӧл, таӵе школаосты но классъёсты «обычнойлы» но «элитнойлы» люконо ӧвӧл шуыса.
Нылпи туризм
Нылпи туризмез азинтоно. Со понна Уфаын тунсыко маршрутъёс («Россия – моя история», «Кванториум», университетъёс, музейёс, театръёс, Конгресс-холл, «Уфа-Арена», аквапарк но мукет) кылдытоно. Исторической парке пырон понна дышетскисьёслы но студентъёслы дун тыроно уз луы.
Таӵе туристической маршрут нылпиосты дышетскон но ужан интыосын тодматоз. Маршрут 2018-тӥ арын кылдытэмын луоз.
Диспансеризация но
вакцинация
Эмъюрттэт возьматонлэсь ӟечлыксэ ӝутоно, висёнъёсты кулэстоно, адямиос кемагес мед улозы – тазалыкез утён удыслэн валтӥсь ужпумез. Соин гуртъёсын фельдшерско-акушерской пунктъёсты но врачебной амбулаториосты ӝутон но выльдон азинтӥське. Эмчиос понна «Земский доктор» но «Земский фельдшер» программаос ужало.
Азьланяз пӧртэм висёнъёсты дыраз шараяно. Курыт юонэн, кысконэн, калык медицинаен эшъяськон – асьмелэн тушмонъёсмы, диспансеризация но вакцинация – эшъёсмы. Диспансеризация предприятиосын, дышетскон юртъёсын, кыдёкысь гуртъёсын мед ортчоз.
Льготаос тросгес луозы
Азьпалан нырысетӥ пиналзы вордӥськем бере, тросгес семьяос 300 сюрс манет коньдон басьтыны быгатозы. Сое паськытгес кутыны луоз. Башкортостан егит семьяослы, трос нылпиен семьяослы юрттон, калыкез тазалыко улонэн эшъяськытон сярысь сюлмаськоз.
Башкортостанын семьяослэн 40 процентэз люкисько. Соин егит семьяослы психологияя, этикая тренингъёс, семинаръёс радъяно.
2019-тӥ арын Башкортостанын Россиысь семьяослэн фестивальзы ортчоз.
Дасяз
Ольга НИГАМАТУЛЛИНА.