Калыклэн сюлмаськонэз депутатэн кылэмын

Та нуналъёсы депутатъёс калыкен пумиськон радъяло. Республикаямы улӥсьёс соослы пӧртэм юанъёсын вазиськыны быгато. 27-тӥ шуркынмонэ, кылсярысь, «Единая Россия» партилэн тӧроезлэн Дмитрий Медведевлэн республикаысьтымы общественной приёмнояз Россия Федерациысь Кун Думалэн депутатэз З. Я. Рахматуллина вуылӥз.

Пумиськонэ депутатлэн юрттӥсьёсыз, юрист но ЖКХ удысысь ӧнерчи пыриськизы. Депутатлэн малпамезъя, таӵе амалэн ужан пӧртэм юанъёслы валэктонъёс шедьтыны юрттэ. Та нуналэ тросгес вазиськизы уже интыяськонэн, транспортэн, нылпи садын пиналъёсты урод сиёнэн сюдонэн но мукет ужпумъёсын герӟаськем юанъёсын. Одӥгез пиосмурт, кылсярысь, туала вакытэ анай кылъёсты утён но соосты азинтон пумысен сюлмаськонъёссэ вераны лыктэм. Нош Уфаысь нылкышнолэсь вуж юртсэ вылезлы, пе, воштозы. Сое азьвылэзлы матэгес мед висъясалзы. Мукетыз нылкышно ипотекаен улон юрт басьтэм вылэм. Ӝоген банк банкротэ шедем. Нылкышнолэсь пунэмзэ мукет банке выжтӥллям. Солэн трос пунэмез люкаськем. Нылкышноез со понна улон юртсэ басьтонэн, пе, кышкато.

Депутат пумиськонын тросэзлы юанъёслы валэктонъёс сётыны но кылдэм ужпумъёсты палэнтыны быгатӥз. Зугура Рахматуллина азьланяз котькуд юанлы пыр-поч валэктон сётыны тыршоз.

Дасямын «Башинформысь» материалъя.