Тодӥськоды-а тӥ Башкириысь Ташкент, Париж, Марс сярысь?

Дюртюли ёросысь гуртэз Венеция нималлям. Сое тудву дыръя чемысь ву зӥбе вылэм. Башкортостанлэн аслаз Парижез но, ӟуч Швейцариез но вань. Соос Киги, Белебей ёросъёсы интыяськемын. Та гуртъёслэн нимъёссэс 1812 арын ожысь бертэмъёсын герӟало. Татышлы ёросысь Ташкент гуртлэн нимыз Быдӟым Атыкай ож бере кылдэм.
Совето вакытэ трос гуртъёс кылдӥллям яке гуртъёслэн нимъёссы соку воштӥськемын. Соос аспӧртэмесь: кылсярысь, Культура (Аургазы ёрос), Заветы Ильича (Иглино ёрос), Труженик (Благовещенск ёрос), Политотдел, Дружба но Вперёд (Давлекан ёрос), Родина (Гафури ёрос), Красный Муравей ( Иглино но Белокатай ёросъёсын вань), Радио (Салават ёрос), Юность (Шаран ёрос), Верный (Иглино ёрос).
Куд-ог гуртъёслэн нимъёссы фольклорен герӟаськемын, шуыны луоз. Бакалы ёросын Пальчиково гурт вань, Белебей ёросын — Кум-Косяк но Мочилки, Балтач ёросын - Чипчиково, Туймазы ёросын - Киска-Елга, Белорецк ёросын — Реветь, Бирск ёросын — Лежебоково. Веселовка нимен гуртъёсты шедьтыны луэ Аургазы но Фёдоровка ёросъёсысь. Со сяна, Башкириын Веселая Поляна (Бакалы ёрос), Крепостной Зилаир (Баймак ёрос), Новые Усы (Бакалы ёрос), Пенькозавода (Бакалы ёрос), Нижняя Майка (Кугарчин ёрос), Пчёлка (Куюргазы ёрос), Нижний чат но Верхний чат (Янаул ёрос) гуртъёс вань.
Республикаын Марс нимен гуртъёс но пумисько - Аургазы но Кушнаренко ёросъёсын. Башкортостан гурт но вань Башкортостанын. Сое Аскино ёросысь шедьтоды.