Тыпы дэй

Соос котькудзы асьсэ понна чебер, тунсыко но пайдаё. Алигес нюлэскы потакумы тыпы куарысь "весьёс" адӟимы. Со - тыпы дэй нимаське. Со сярысь газетамы Татышлы ёросысь Арибаш гуртын улӥсь эшмы Лилия Гараева гожъяз. Али солэн уженыз тодматскыны ӵектӥськом. 

                          Тыпы дэй

Тыпы писпуэз асьмеос ваньмы но тодӥськомы. Кӧня кылбуръёс, мадёнъёс, кырӟанъёс со сярысь кылдытэмын. Нош кӧня аръёс ӵоже со улэ?! Тодӥськомы, солэн куаръёсыз, сулэз, мульыез адямилы пайдаё луо. Тыпы мульыез война вакытэ куасьтыса пызь карыса изылӥзы. Нош ма со тыпы дэй? Туала пиналъёс сое адӟизы ке но, пайдаё луэмзэ уз тодэ. Биологъёслэн верамзыя, дэй - со тыпы куарлэн висёнэз.

Азьло дыре, вашкалы аръёсы, тыпы дэйлэсь гожъяськыны чернила но етӥнлэсь куэм шортэз буяны буёл лэсьтылӥзы. Со лызалэс сьӧд пӧрмылӥз. Асьмелэн песяйёсмылэн песяйёссы, песятайёсмылэн песятайёссы кыӵе визьмоесь, чупресэсь но ужез яратӥсь вылӥллям. Соос тыпы дэйез бичаса, огазе бинё но шунто, ӟырдато вал. Собере кезьыт вуэ кото. Со ӝог дыр куспын сьӧдэктэ но туж ӝог чырса. Гожъяськон понна буёлэз лэсьтӥд ке, трос дасяно ӧвӧл. Чырсаз ке со уз ни гожъя. Нош буяськон ужын аслад мылкыд каремедъя кутод.

Лилия ГАРАЕВА.

Татышлы ёросысь Арибаш гурт